PAK vs NZ Semi-Final: टी-२० वर्ल्डकपची आज पहिली सेमीफायनल, असा आहे गेम प्लॉन; https://www.highcpmrevenuenetwork.com/bwqu5w6ie?key=f6fc8096c1dd30a91426919ae5d8bd23जाणून घ्या सर्व अपडेट
सिडनी: टी-२० क्रिकेट वर्ल्ड कप क्रिकेट स्पर्धेस सुरुवात झाल्यापासून न्यूझीलंड संघ आपण उपांत्य फेरीतील संघांचे प्रबळ दावेदार असल्याचे दाखवत होता. त्याच वेळी पाकिस्तानचे स्पर्धेतील अखेरच्या चार संघातील स्थान अखेरच्या साखळी सामन्यापर्यंत निश्चित नव्हते. या अशा दोन भिन्न वाटचाल करणाऱ्या संघात बुधवारी उपांत्य फेरीची लढत होणार आहे.
दोन दशकापूर्वी म्हणजे १९९२च्या वनडे वर्ल्ड कप स्पर्धेत काहीसे असेच घडले होते. ऑस्ट्रेलिया-न्यूझीलंडमध्ये ही स्पर्धा झाली होती. त्या वेळी न्यूझीलंडने दिमाखात उपांत्य फेरी गाठली होती. संपूर्ण साखळी पद्धतीने झालेल्या प्राथमिक फेरीत पाकिस्तानने न्यूझीलंडला हरवून उपांत्य फेरीत प्रवेश केला होता आणि न्यूझीलंडला उपांत्य फेरीत आणि इंग्लंडला पराभूत करून पाकने वर्ल्ड कप जिंकला होता. एवढेच नव्हे तर त्यानंतरच्या दोन वर्ल्ड कप उपांत्य फेरीत (१९९९चा वनडे आणि २००७चा टी-२०) पाकने बाजी मारली आहे.
त्या वेळच्या आठवणी पाकिस्तानला सर्वोत्तम कामगिरीसाठी प्रेरीत करीत आहेत, तर पुन्हा या निकालाची चर्चा नको, हा न्यूझीलंडचा प्रयत्न असेल.
न्यूझीलंडला कमी लेखण्याची चूक कोणीच करणार नाही. त्यांच्या गटात श्रीलंका, ऑस्ट्रेलिया आणि इंग्लंड हे माजी जागतिक विजेते होते; पण तरीही त्यांनी गटात अव्वल क्रमांक मिळवला. सिडनीतील वातावरण न्यूझीलंडसाठी जास्त पोषक असेल. पाकच्या कमकुवत फलंदाजीस हादरवण्याची ट्रेंट बोल्ट आणि टिम साउदीकडे नक्कीच क्षमता आहे
दुसरीकडे, धक्कातंत्र हीच पाकिस्तानची खासियत आहे. ते कोणत्याही परिस्थितीतून सामना जिंकू शकतात. गोलंदाजी ही त्यांची ताकद आहे. डॅरील मिशेल, डेव्हॉन कॉन्वे आणि ग्लेन फिलिप्स हे न्यूझीलंडचे आघाडीचे फलंदाज बहरात आहेत. जायबंदी असतानाही बांगलादेशचे चार फलंदाज शाहीन शाह आफ्रिदीने बाद केले होते. पाकिस्तानचे वादळ घोंघावत आहे; पण खवळलेल्या समुद्रातून कसा मार्ग काढावा हे किवी जाणतात. सिडनीत हे घडणार का हाच प्रश्न आहे.
प्रतिस्पर्ध्यांची व्यूहरचना
न्यूझीलंड : सिडनीत न्यूझीलंडची कामगिरी उंचावलेली. याच मैदानावर ग्लेन फिलिप्सच्या श्रीलंकेविरुद्ध ६४ चेंडूंत १०४; तसेच डेव्हॉन कॉन्वेच्या ऑस्ट्रेलियाविरुद्ध ५८ चेंडूंत ९२ धावा. टीम साउदीचा पाकिस्तानविरुद्ध २.१ षटकांत २.७६चा इकॉनॉमी रेट. न्यूझीलंडने प्रतिस्पर्धी संघात जास्त डावखुरे असतानाही मायकेल ब्रेसवेलला संघात घेणे टाळले. पाकिस्तानविरुद्धही त्याच्या समावेशाची शक्यता कमी. त्यामुळे संघात बदलाची शक्यता कमी
पाकिस्तान : इफ्तिकार अहमद आणि शादाब खान यांची दक्षिण आफ्रिकेविरुद्ध ८२ धावांची भागीदारी. आफ्रिकेविरुद्धच्या लढतीत शादाबच्या १६ धावांत दोन विकेट.
भारताविरुद्धच्या पराभवानंतर पाकने संघातील एक फलंदाज कमी केला. बाद फेरीतील लढतीसाठी पुन्हा अतिरिक्त फलंदाज घेण्याची शक्यता कमी. त्यामुळे असिफ अलीला, महंमद वसिमऐवजी संघात येण्याची शक्यता कमी.
आमनेसामने
२८ टी-२०
१७ पाकिस्तानचे विजय
११ न्यूझीलंडचे विजय
वर्ल्ड कपमध्ये
६ टी-२०
४ पाकिस्तानचे विजय
२ न्यूझीलंडचे विजय
टी-२० क्रमवारी
४ - पाकिस्तान
५ - न्यूझीलंड
न्यूझीलंडचे अव्वल तीन : फलंदाज - ग्लेन फिलिप्स - १९५ धावा; केन विल्यमसन - १३२ धावा; कॉन्वे - १२४. गोलंदाज - मिचेल सँटनर - ८ विकेट; टीम साउदी - ७ विकेट; लॉकी फर्ग्युसन - ७ विकेट.
पाकिस्तानचे अव्वल तीन : फलंदाज - शान मसूद - १३४ धावा; इफ्तिखार अहमद - ११४ धावा; महंमद रिझवान - १०३ धावा. गोलंदाज - शादाब खान - १० विकेट; शाहीन शाह आफ्रिदी - ८ विकेट; महंमद वसीम - ७ विकेट.
वर्ल्ड कप उपांत्य लढत
न्यूझीलंड विरुद्ध पाकिस्तान
ठिकाण- सिडनी क्रिकेट ग्राउंड, सिडनी
प्रक्षेपण- दुपारी १.३० पासून
Tags:
PAK vs NZ Semi-Final: